ELM VƏ TEXNOLOGİYA


“Orta əsrlər Azərbaycan tarixinə aid ərəb mənbələrindən seçmələr” kitabı çapdan çıxıb

A+ A

Bakı, 11 noyabr, AZƏRTAC 

Azərbaycan Milli Elmlər Akademiyasının (AMEA) akademik Z.Bünyadov adına Şərqşünaslıq İnstitutunda “Orta əsrlər Azərbaycan tarixinə aid ərəb mənbələrindən seçmələr” kitabı nəşr olunub. Kitabda təqdim olunan seçmələrin tərcüməsini, qeyd və şərhlərin yazılması və tərtibini institutun böyük elmi işçisi, tarix üzrə fəlsəfə doktoru Nüşabə Bayramlı həyata keçirib.

İnstitutdan AZƏRTAC-a bildiriblər ki, kitabda Əbu Duləfin “İkinci Risalə (məktub)”, Əl-İstəxrinin “Kitab məsalik əl-məmalik” (“Məmləkətlərin yolları kitabı”), Şihabəddin ən-Nəsəvinin “Sirat əs-Sultan Cəlaləddin Mənkburnunun həyatının təsviri” əsərlərindən çıxarışların tərcüməsi təqdim olunur.

Bu mənbələrin hər birində Azərbaycanın tarixi, coğrafiyası, milli tərkibi, yeraltı və yerüstü sərvətləri, tarixi-memarlıq abidələri, adət-ənənələri, mədəniyyət və s. barədə çoxlu maraqlı və qiymətli məlumatlar var.

Qeyd etmək lazımdır ki, həmin mənbələrdən alınan çıxarışların tərcüməsi ərəbcə mətnlərlə tutuşdurulmaqla digər dillərdəki variantlar əsasında həyata keçirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.