ELM VƏ TƏHSİL


Orta ixtisas təhsili müəssisələrinə qəbul olunmaq istəyən cari il abituriyentlərinin nəzərinə!

Bakı, 28 iyul, AZƏRTAC

Ümumi orta təhsil (9 illik) bazasında orta ixtisas təhsili müəssisələrinə (kolleclərə) qəbul olunmaq istəyən, lakin əvvəlcədən elan edilmiş tarixlərdə qeydiyyatdan keçməyən cari ilin məzunları üçün “Abituriyentin elektron ərizəsi” qeydiyyat sistemi ixtisas seçimi bitənədək yenidən fəaliyyət göstərir.

Doqquz illik təhsil bazasından kolleclərə qəbul olunmaq üçün ixtisas seçimi avqustun 6-dək davam edəcək.

Ümumi orta təhsil (9 illik) bazasında buraxılış imtahanlarında iştirak etmiş və tələb olunan müsabiqə şərtlərini ödəmiş cari ilin məzunları avqustun 6-dək qeydiyyatdan keçib ixtisas seçimində iştirak edə bilərlər.

İxtisas seçiminə buraxılış imtahanında (hər iki mərhələ üzrə) ümumi balı 40-dan, Azərbaycan dili və ya rus dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılırlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.