REGİONLAR


Ötən il Ağsuda 1782 yeni iş yeri açılıb

Ağsu, 12 yanvar, AZƏRTAC

Regionların sosial-iqtisadi inkişafına göstərilən dövlət dəstəyi, sahibkarlar üçün yaradılan əlverişli şərait respublikamızın hər yerində, o cümlədən Ağsu rayonunda yeni iş yerlərinin açılmasına, əhalinin məşğulluğunun artmasına şərait yaradır.

Rayon statistika idarəsindən AZƏRTAC-a bildirilib ki, yola saldığımız 2016-cı ildə Ağsuda 1782 yeni iş yeri açılıb. Yeni iş yerlərinin 1623-ü daimi, 164-ü isə mövsümidir.

Qeyd edək ki, ötən il yeni iş yerləri ən çox suvarma sistemləri idarəsində, paylayıcı elektrik şəbəkəsində və Ağsu Qaz İstismar idarəsində açılıb. Əlbəttə, Prezident İlham Əliyevin tövsiyə və tapşırıqlarına əsasən respublikamızda aqrar sektorun ənənəvi sahələrinin inkişafı əhalinin məşğulluğunun artmasına da böyük töhfə verib. Keçən il Ağsuda baramaçılığın və pambıqçılığın yenidən dirçəldilməsi yüzlərlə insanı, əsasən də kənd sakinlərini mövsümi işlərə cəlb edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.