REGİONLAR


Ötən il Astara güləşçiləri üçün uğurlu olub

Astara, 27 yanvar, Bağır Əliyev, AZƏRTAC

Ötən il Astaranın sərbəst güləşçiləri üçün uğurlu olub. Baş məşqçi Məhərrəm Ağayevin yetirmələrindən Ramiq Heybətov, Məhəmmədəli Əliyev və Musa Ağayev il ərzində yeniyetmələrin yaş qrupunda keçirilən yarışlarda müxtəlif çəki dərəcələrində fəxri kürsünün ən yüksək pilləsinə qalxıblar.

AZƏRTAC xəbər verir ki, 2016-cı ildə astaralı gənc sərbəst güləşçilər də medalsız qalmayıblar. Komandanın heyətində Zakir Əsədullayev və Xalid Əlizadə il boyu keçirilən yarışlarda inamla çıxış edərək ümidləri doğruldublar. Ən böyük uğuru isə 75 kiloqram çəki dərəcəsində Cəbrayıl Həsənov qazanıb. Məhərrəm Ağayevin yetirməsi olan gənc pəhləvan Rio-de-Janeyroda keçirilən XXXI Yay Olimpiya Oyunlarında bürünc medala, Rusiyada və ölkəmizdə keçirilən beynəlxalq turnirlərdə isə qızıl medala sahib olub.

Astaralı idmançılar ölkəmizdə və Ukraynada keçiriləcək beynəlxalq turnirlərə ciddi hazırlaşırlar. İnanırıq ki, güləşçilərimiz bu yarışlarda da medallara sahib olacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.