DÜNYA


Ötən il Yaponiyada monetar baza rekord səviyyədə artıb

A+ A

Tokio, 6 yanvar, AZƏRTAC

Yaponiya Bankının rəsmi nümayəndələrinin bildirdiyinə görə, ötən il ölkənin monetar bazası Mərkəzi Bankın məqsədlərinə müvafiq olaraq rekord yüksək həddə çatıb.

Ötən ilin sonuna olan qiymətləndirmənin nəticələrinə görə, ölkənin monetar bazası 437 trilyon yen və ya 4 trilyon dollar təşkil edib. Bu, 2015-ci ilin sonu ilə müqayisədə 81 trilyon yen və ya 22 faiz çoxdur. Monetar bazanın belə artımına səbəb dövlət səhmlərinin və digər maliyyə aktivlərinin yaxşı alınmasıdır.

Monetar baza - dövriyyədə olan bütün nağd vəsaitin və kommersiya banklarının Yaponiya Bankındakı depozit vəsaitlərinin ümumi məcmusudur.

Monetar bazanın artmasının əsas səbəbi kimi iqtisadi inkişafı təmin etmək və inflyasiyanı 2 faizlik həddə çatdırmaq üçün Yaponiya Bankının rəsmi nümayəndələrinin pul vəsaitini maliyyə bazarlarına kütləvi şəkildə yönəltməsi göstərilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.