CƏMİYYƏT


Özbəkistan portalı Milli Məclisin deputatı Elmira Axundovanın İslam Kərimov haqqında məqaləsini yayıb

A+ A

Daşkənd, 14 sentyabr, AZƏRTAC

Özbəkistanın kun.uz portalı Azərbaycan Milli Məclisinin deputatı Elmira Axundovanın mərhum Prezident İslam Kərimov haqqında rus dilində məqaləsini yayıb.

Məqalənin əvvəlində bildirilir ki, hələ keçmiş SSRİ dövründən Azərbaycan xalqının ümummilli lideri Heydər Əliyevin İslam Kərimovla isti münasibətləri olub, onlar dostluq ediblər və bu, uzun illər davam edib. Qeyd edilir ki, Heydər Əliyev Sov.İKP MK Siyasi Bürosunun üzvü, SSRİ Nazirlər Soveti sədrinin birinci müavini işləyərkən İslam Kərimov Özbəkistanın maliyyə naziri, sonra isə Dövlət Plan Komitəsinin sədri vəzifələrində çalışıb və müxtəlif iclaslarda tez-tez görüşüblər. Məhz bu iki liderin səyi nəticəsində ölkələrimiz arasında diplomatik əlaqələr yaranıb və bu əlaqələr inkişaf edir.

Məqalədə xüsusi vurğulanır ki, İslam Kərimov Dağlıq Qarabağın Azərbaycan ərazisi olduğunu dəfələrlə bildirmişdi, Azərbaycanın suverenliyi və ərazi bütövlüyünü birmənalı olaraq dəstəkləyirdi.

Müəllif məqalədə, həmçinin müstəqil Azərbaycan Respublikasının Prezidenti Heydər Əliyevin xarici ölkələrə səfərlərində jurnalist kimi iştirak etməsi və İslam Kərimovla görüşlərindən bəhs edir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.