MƏDƏNİYYƏT


Özbəkistan portalında Bakıda keçirilən Beynəlxalq Çörək Festivalından bəhs edilib

A+ A

Daşkənd, 9 noyabr, AZƏRTAC

Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzinin təşəbbüsü ilə Özbəkistanın kultura.uz portalı Bakıda keçirilmiş I Beynəlxalq Çörək Festivalı barədə rus dilində məqalə yayıb.

Məqalədə bildirilir ki, Azərbaycan Mədəniyyət və Turizm Nazirliyi və Milli Kulinariya Mərkəzi, həmçinin Milli Kulinarlar Assosiasiyasının təşkilatçılığı ilə keçirilən festivalda ölkənin 20-dən artıq regionu ilə yanaşı, Türkiyə, Özbəkistan və Qırğızıstan nümayəndələri qatılıblar.

Qeyd edilir ki, festivalda 500-dən artıq təndir və kürə çörəyi, un məmulatları bişirilib və nümayiş olunub, iştirakçılar bişirilən müxtəlif çörəklərdən və şirniyyatlardan dadıblar.

Tədbirdə qonaqlara ölkəmizdə çörəkbişirmə mədəniyyəti və ənənələri haqqında məlumat verilib, Azərbaycan xalq mahnıları və muğamlar səslənib.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.