İQTİSADİYYAT


Özbəkistana Transxəzər Beynəlxalq Nəqliyyat Dəhlizinin üzvü olmaq təklif edilib

Daşkənd, 26 may, АZƏRTAC

Daşkənddə Transxəzər Beynəlxalq Nəqliyyat Dəhlizi (TBND) və Qazaxıstanın dəniz limanları” adlı “dəyirmi masa” keçirilib.

Tədbirdə dəhlizin önəmi haqqında ətraflı söhbət açılıb. Vurğulanıb ki, Çinlə Avropa arasında etibarlı dəhliz olan bu marşrut üzv dövlətlərin hamısı üçün böyük əhəmiyyətə malikdir.

“Dəyirmi masa”da Özbəkistana Nəqliyyat dəhlizinin üzvü olmaq təklif edilib.

Bildirilib ki, dəhlizin logistik infrastrukturu 10 min kilometr dəmiryol şəbəkəsini, 10 dəniz limanını özündə birləşdirir.

Çin, Azərbaycan, Qazaxıstan, Gürcüstan, Türkiyə, Ukrayna və Rumıniya TBND-nin üzvləridir.

Xatırladaq ki, 2016-cı ilin dekabr ayında TBND-nin İnkişaf üzrə Əlaqələndirmə Komitəsi “Transxəzər Beynəlxalq Nəqliyyat Dəhlizi” adlı Assosiasiya yaradıb və bu qurumun qərargahı Astanada yerləşir.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.