DÜNYA


Pakistan Qətərdən LNG idxalını davam etdirəcək

Bakı, 10 iyun, Nihad Budaqov, AZƏRTAC

İslamabad rəhbərliyi Qətərdən mayeləşdirilmiş təbii qaz (LNG) idxalına davam ediləcəyini açıqlayıb.

AZƏRTAC xəbər verir ki, Pakistanın neft və təbii sərvətlər naziri Şahid Xaqani Abbas ölkəsinin Qətər ilə keçən il imzaladığı və 2031-ci ilə qədər etibarlılığı olan 1 milyard dollarlıq LNG idxalı üzrə müqaviləyə sadiq qalacağını ifadə edib. O, Birləşmiş Millətlər Təşkilatı (BMT) tərəfindən Qətərə hər hansı bir məhdudiyyət tətbiq olunmadığı üçün tərəflərin müqaviləyə sadiq qalmaqla borclu olduğunu söyləyib.

Qeyd edək ki, Qətər ilə bəzi ərəb ölkələri arasındakı böhran davam edir. İlk olaraq Səudiyyə Ərəbistanı, Misir, Bəhreyn və BƏƏ Qətəri terror təşkilatlarını dəstəkləməkdə və bu ərəb ölkələrində daxili sabitliyi pozmaq cəhdlərində ittiham edərək onunla diplomatik və konsulluq əlaqələrini kəsdiklərini elan ediblər. Yəmən və Liviya bir sıra ərəb ölkələrinin Qətərə münasibətdə qəbul etdikləri qərara qoşulublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.