DÜNYA


Pakistanda növbəti terrorun qurbanı tikintidə çalışan 10 fəhlə olub

Bakı, 13 may, AZƏRTAC

Pakistanın cənubunda şənbə günü naməlum şəxslərin tikinti işçilərinə açdıqları atəş nəticəsində azı 10 fəhlə həlak olub. Hadisə Belucistan vilayətində baş verib.

AZƏRTAC xəbər verir ki, Dawn nəşrinin yaydığı məlumata görə, 8 nəfər hadisə yerində, 2 işçi isə xəstəxanaya aparılarkən yolda ölüb. Silahlı şəxslərin fəhlələrə iki istiqamətdə motosikletlərlə hücum etdikləri bildirilir.

Təhlükəsizlik qüvvələri hadisənin baş verdiyi rayonu mühasirəyə alıblar. Əməliyyat aparılır.

Xatırladaq ki, dünən Belucistan vilayətində daha bir qanlı terror aktı törədilib. Terrorçular Pakistan senatının sədr müavini Maulan Abdullah Qafur Haydarinin kortejinə hücum ediblər. Məsuliyyətini İŞİD qruplaşmasının üzərinə götürdüyü terror aktı nəticəsində 25 nəfər həlak olub, 35 nəfər yaralanıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.