Pakistanda toqquşmalar zamanı 4 nəfər ölüb, 250 nəfər yaralanıb
Bakı, 25 noyabr, AZƏRTAC
Hüquq mühafizə orqanları İslamabadda dini fəalların oturaq aksiyasını dağıtdıqdan sonra Pakistanı kortəbii aksiyalar bürüyüb.
AZƏRTAC xəbər verir ki, Geo TV telekanalının şənbə günü yaydığı məlumata görə, polislə iştirakçılar arasında toqquşmalar zamanı hər iki tərəfdən artıq 250 nəfər yaralanıb, 4 nəfər ölüb. Asayiş keşikçiləri nümayişçilərə qarşı su şırnaqları və gözyaşardıcı qaz işlədib.
Vəziyyəti nəzarətdə saxlamaq məqsədilə özəl telekanalların yayımlanması müvəqqəti dayandırılıb, habelə populyar sosial şəbəkələrin əksəriyyəti blokadaya alınıb. Paytaxta əlavə polis və ordu qüvvələri yeridilib.
Ölkədə vəziyyət gərgin olaraq qalır.
Bölmənin digər xəbərləri
