DÜNYA


Parisdə terror qurbanlarının xatirəsinə həsr olunmuş anım mərasimlərinə başlanılıb

A+ A

Paris, 12 noyabr, AZƏRTAC

Ötən il noyabrın 13-də Parisdə baş vermiş terror aktlarından bir il keçir. Bununla əlaqədar Fransanın paytaxtında terror qurbanlarının xatirəsinə həsr edilmiş silsilə anım mərasimləri təşkil olunub.

2018-ci il futbol üzrə dünya çempionatının seçmə mərhələsi çərçivəsində “Stade de France” stadionunda noyabrın 11-də gecə keçirilən futbol oyunundan əvvəl terror qurbanlarının xatirəsi birdəqiqəlik sükutla yad edilib. Anım tədbirində Fransa Prezidenti Fransua Olland da iştirak edib.

Ən qanlı terror aktının baş verdiyi “Bataclan” konsert zalı bir ildən sonra məşhur müğənni Stinqin konserti ilə öz qapılarını yenidən musiqisevərlərə açacaq.

Noyabrın 13-də isə ölkə başçısı terror aktlarının baş verdiyi rayonlarda hadisə yerlərini ziyarət edəcək. Terror aktı qurbanlarının xatirə lövhələri açılacaq və kilsələrdə onların ruhuna dualar oxunacaq. Eyni zamanda, terror aktı törədilən məkanlarda şamlar yandırılacaq.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.