İQTİSADİYYAT


Pekin hava limanına geri qayıdan təyyarə hazırda Bakı istiqamətində hərəkət edir

Bakı, 20 iyun, AZƏRTAC

Pekin hava limanına geri qayıdan təyyarə hazırda Bakı istiqamətində hərəkət edir.

Pekindən Bakıya uçan “Azərbaycan Hava Yolları” QSC-yə (AZAL) məxsus sərnişin təyyarəsi texniki səbəbdən Şoudu hava limanına geri qayıtmışdı.

AZAL-ın mətbuat xidmətindən AZƏRTAC-a bildirilib ki, havaya qalxdıqdan sonra “Boeing -767” təyyarəsinin komandiri geri qayıtmaq qərarı qəbul edib və yanacaq sərf etdikdən sonra Bakı vaxtı ilə saat 23:28-də uğurlu eniş edib.

Təyyarənin göyərtəsində 170 sərnişin və 11 ekipaj üzvü olub. Eniş ştat rejimində başa çatıb.

Təyyarə mühəndislər tərəfindən yoxlanıldıqdan və lazımi proseduralardan keçdikdən sonra hazırda Bakı istiqamətində hərəkət edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.