DÜNYA


Pekində Sinxua və TASS agentliklərinin birgə fotosərgisi açılıb

Pekin, 21 dekabr, AZƏRTAC

Pekində Çinin Sinxua və Rusiyanın TASS informasiya agentlikləri arasında əməkdaşlıq əlaqələrinin yaradılmasının 60-cı ildönümü münasibətilə birgə fotosərgi açılıb.

“Keçmişə və gələcəyə baxış” adlı sərginin açılış mərasimində çıxış edən Sinxuanın prezidenti Çay Mincao və TASS baş direktorunun birinci müavini Mixail Qusman agentliklər arasında 1956-cı ildə əsası qoyulmuş əməkdaşlığın keçmiş SSRİ ilə Çin, müasir dövrdə isə Rusiya ilə Çin arasında münasibətlərin inkişafındakı, xalqlar arasında dostluq əlaqələrinin yaranmasındakı rolundan bəhs ediblər.

Pekindəki Dünya İncəsənət Muzeyində təşkil olunan sərgi iki ay davam edəcək. Sərgidə Sinxua və TASS fotomüxbirlərinin ölkələr arasında münasibətlərin müxtəlif sahələrinə dair çəkilmiş şəkilləri nümayiş olunur.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.