DÜNYA


Pentaqon: İŞİD qruplaşması Qərbə hücumlar planlaşdırır

A+ A

Bakı, 27 oktyabr, AZƏRTAC

ABŞ qoşunlarının Suriya və İraqdakı komandanı general-leytenant Stiven Taunsend kəşfiyyat məlumatlarına əsaslanaraq, İŞİD qruplaşmasının Rakka şəhərində Suriyanın xaricində hücumlar planlaşdırdığını deyib.

AZƏRTAC xarici KİV-lərə istinadla xəbər verir ki, general qərb ölkələrinə hücumların dəqiq yerinin və vaxtının hələlik məlum olmadığını qeyd edib. Onun sözlərinə görə, təhlükənin qeyri-müəyyənliyı Rakka şəhərinə hücumun tezləşdirilməsini vacib edir.

Stiven Taunsend həmçinin bildirib ki, İraqın Mosul şəhərindən fərqli olaraq, Suriyanın Rakka şəhərinin İŞİD-dən geri alınması əməliyyatı ölkənin silahlı qüvvələri ilə deyil, yerli döyüşçülər tərəfindən Rusiya aviasiyası və hökumət qoşunlarının mövcudluğu nəzərə alınmaqla, çətin döyüş şəraitində aparılmalıdır.

Bununla yanaşı, general Rakkaya hücumun ABŞ-ın uzunmüddətli və gərgin müqavimət gözlədiyi Mosul əməliyyatlarından daha çox vaxt aparacağını istisna etməyib.

Xatırladaq ki, oktyabrın 17-nə keçən gecə İraqın Baş naziri Heydər əl-Abadi Mosulun ələ keçirilməsi uğrunda hərbi əməliyyatların başladığını elan edib. Bundan sonra hökumət qüvvələri və polis, həmçinin kürd birləşmələri ABŞ-ın başçılıq etdiyi koalisiyanın hava dəstəyi ilə Mosul şəhəri üzərinə irimiqyaslı hücuma başlayıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.