ELM VƏ TƏHSİL


Peşə təhsilinə münasibətin dəyişdirilməsi gənclərin peşə məktəblərinə maraqlarının artmasına kömək göstərəcək

Bakı, 8 iyun, AZƏRTAC

İyunun 8-də “ELS-Müstəqil Araşdırmalar Mərkəzi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Azərbaycan Respublikasında peşə təhsili və təliminin inkişafına dair Strateji Yol Xəritəsinin təbliğində vətəndaş cəmiyyətinin iştirakının gücləndirilməsi” layihəsi çərçivəsində Salyan şəhərində “dəyirmi masa” keçirib.

AZƏRTAC xəbər verir ki, tədbirdə layihənin rəhbəri İradə Yaqubova ilkin mərhələdə Salyan, Cəlilabad və Bərdə rayonlarında monitorinqlərin keçirildiyini, sənətkarların fəaliyyəti ilə bağlı videoçəkilişlərin aparıldığını söyləyib.

Qeyd edilib ki, cəmiyyətdə peşə təhsilinə münasibətin dəyişdirilməsi gənclərin peşə məktəblərinə maraq və inamlarının artırılmasına kömək edəcək. Həmçinin orta məktəblərlə ilk peşə məktəbləri arasında əlaqələr gücləndirilməlidir.

Ekspert Orxan Cabbarlı peşə təhsilinin təbliğinin gücləndirilməsinin zəruriliyini qeyd edib, müəyyən ixtisaslarla bağlı şagirdlərdə təəssürat yaratmaq məqsədilə layihə çərçivəsində videoçarxların hazırlandığını söyləyib.

Sonra mövzu ilə bağlı videoçarxlar nümayiş olunub, fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.