İDMAN


Peşəkar futbolçulara Serbiya klublarına transfer olunmamaq tövsiyə edilib

Bakı, 5 yanvar, AZƏRTAC

Beynəlxalq Peşəkar Futbolçular Federasiyaları Assosiasiyası (FİFPro) tərəfindən futbolçulara cari qış transfer pəncərəsində Serbiya klublarından uzaq durmaq çağırışı edilib.

AZƏRTAC xəbər verir ki, bu barədə qurumun rəsmi saytında məlumat verilib.

Peşəkar futbolçulara bu ölkənin klubları ilə müqavilə bağlamamaq tövsiyə edilib. Buna səbəb kimi 2016-cı ildə Serbiya çempionatında çıxış edən futbolçuların maliyyə çətinliyi ilə üzləşməsi göstərilib. FİFPro-nun 2016-cı ildəki araşdırmasına əsasən, Serbiya birinciliyində çıxış edən futbolçuların 68 faizi əməkhaqlarının yubadılması, 89 faizi isə əvvəlki komandalarına qayıtmamaq üçün təzyiqlərlə qarşılaşıb.

Bununla belə, beynəlxalq qurum peşəkar futbolçuların digər hüquqlarının pozulduğunu da rəhbər tutub. Məlum olub ki, Serbiya Futbol İttifaqı (FSS) komandalarla oyunçular arasındakı mübahisələri həll edən komissiya tərkibindən futbolçulardan ibarət üzvləri də kənarlaşdırıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.