MƏDƏNİYYƏT


Pianoçuların Qara Qarayev adına II beynəlxalq müsabiqəsi keçiriləcək

Bakı, 30 iyul, AZƏRTAC

Pianoçuların Qara Qarayev adına II beynəlxalq müsabiqəsi elan edilib.

AZƏRTAC xəbər verir ki, görkəmli bəstəkar Qara Qarayevin anadan olmasının 100 illiyinə həsr edilən müsabiqə 2018-ci il aprelin 4-dən 11-dək keçiriləcək. 10-16 və 17-30 yaş qrupları üzrə keçiriləcək müsabiqədə iştirak etmək istəyənlər ərizələrini tam sənədlər paketi ilə birgə 2018-ci il fevralın 1-dək təşkilat komitəsinin ünvanına – Üzeyir Hacıbəyli adına Bakı Musiqi Akademiyasının məktəb-studiyasına (Bakı, Şəmsi Bədəlbəyli küçəsi 98) təqdim etməlidirlər.

Qaliblər münsiflər heyəti tərəfindən müəyyən ediləcək. Hər yaş qrupunun qalibləri üçün pul mükafatları və diplomlar nəzərdə tutulub. Yaş qrupları üzrə mükafat yerlərini tutan qaliblər “Beynəlxalq müsabiqə laureatı” adına layiq görüləcək. Diplom alan şəxslərə “Beynəlxalq müsabiqə diplomantı” adı veriləcək. Bütün iştirakçılara isə müsabiqədə iştirak etməklə bağlı sertifikat təqdim olunacaq.

Müsabiqə laureatları Üzeyir Hacıbəyli adına Bakı Musiqi Akademiyasının böyük zalında yekun konsertdə iştirak edəcəklər.

Müsabiqə barədə daha ətraflı məlumatı bu linkdən əldə etmək olar: http://mct.gov.az/az/elanlar/pianocularin-qara-qarayev-adina-ii-beynelxalq-musabiqesi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.