Polis veteranları cinayətkarlıqla mübarizədə səylərini əsirgəmirlər
Bakı, 27 yanvar, AZƏRTAC
Ölkəmizin bütün bölgələrində olduğu kimi, Cəlilabad rayonunda da polis veteranları bilik və bacarıqlarını gənclərlə bölüşürlər. Ötən il veteranlar rayonun müxtəlif təhsil müəssisələrində, həmçinin ayrı-ayrı kollektivlərdə yeniyetmə və gənclər qarşısında 48 dəfə çıxış edib, tövsiyələrini veriblər.
Daxili İşlər Nazirliyinin mətbuat xidmətindən AZƏRTAC-a bildiriblər ki, çıxışlarda belə tədbirlərin məqsədinin gənclər arasında sağlam həyat tərzinin təbliği işini daha da yaxşılaşdırmaq, gənclərdə narkomanlığın fəsadları haqqında düzgün təsəvvürlər formalaşdırmaq, onların radikal dini təriqətlərə meyillərinin artmasının qarşısını almaq, habelə erkən nikahın yaratdığı problemlərə qarşı mübarizə aparmaq olduğu vurğulanıb.
Veteranlar cinayətkarlıqla mübarizə işinə də öz töhfələrini veriblər. Ötən il rayon ərazisində 73 cinayətin açılmasında veteranlar fəal iştirak ediblər.
Bölmənin digər xəbərləri
