DÜNYA


Polşa qaçqınları qəbul etməkdən boyun qaçırır

Bakı, 16 may, AZƏRTAC

Polşa hökuməti qaçqınları qəbul etməyəcək. Bunu mayın 16-da Varşavada keçirdiyi mətbuat konfransında Baş nazir Beata Şidlo bəyan edib.

AZƏRTAC RİA Novosti agentliyinə istinadla xəbər verir ki, Polşa Avropa İttifaqının müəyyənləşdirdiyi kvota çərçivəsində qaçqınları qəbul etməkdən boyun qaçırıb. Bir müddət əvvəl Aİ-nin miqrasiya siyasətini tənqid edən Şidlo bildirib ki, Vışeqrad dördlüyü (Polşa, Slovakiya, Macarıstan və Çexiya) qaçqınların qəbulu məsələsində şantajla razılaşmayacaq.

Son sosioloji sorğulara əsasən, Polşa əhalisinin təxminən dörddə üçü qaçqınların qəbulunun əleyhinədir. Baş nazirin sözlərinə görə, hazırda Polşanın buna imkanı yoxdur və hökumət bu mövqedən çıxış edir.

Bu ərəfədə miqrasiya, daxili işlər və vətəndaşlıq üzrə avrokomissar Dimitris Avramopulos bəyan edib ki, Polşa və Macarıstan bir ay ərzində İtaliya və Yunanıstanda olan qaçqınları qəbul etməyə başlamasalar, Avropa Komissiyası iyun ayında onlara sanksiyalar tətbiq edə bilər. “Mən öz ərazilərində müdafiəyə ehtiyacı olan bir nəfər belə yerləşdirməyən Polşa və Macarıstanı dərhal bunu etməyə çağırıram”, - Avramopulos Strasburqda jurnalistlərə belə deyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.