DÜNYA


Polşada sovet dövrünün abidələri söküləcək

Bakı, 17 iyul, AZƏRTAC

Bazar ertəsi günü Polşa Prezidenti Andjey Duda bina və obyektlərin adlarında kommunizmin, yaxud digər totalitar rejimin təbliğinin qadağan olunması haqqında qanuna düzəlişləri təsdiqləyib.

AZƏRTAC xəbər verir ki, Polşa Prezidentinin saytında yerləşdirilmiş məlumata görə, yenilənən qanun sovet dövrü abidələrinin, o cümlədən Qırmızı ordunun şərəfinə qoyulmuş memorialların sökülməsini də nəzərdə tutur. Xatırladaq ki, Polşa Seymi düzəlişləri iyunun 22-də qəbul edib.

Bu sıraya qəbiristanlıqlarda və başqa dəfn məkanlarında yerləşən, incəsənət əsəri qismində elmi məqsədlər üçün nümayiş olunan, həmçinin memarlıq abidələri reyestrinə daxil edilən memoriallar aid olunmur. Polşa qanunvericiləri bu sıraya aid olmayan abidə və memorialların düzəlişlər qüvvəyə mindikdən sonrakı 12 ay ərzində sökülməsini təklif edirlər.

Ekspertlər ölkə ərazisində azı 469 bu cür obyekt olduğunu hesablayıblar. Onların 250-yə yaxını Qırmızı orduya həsr edilib. Bu və digər memorialın düzəlişlərdə göstərilən parametrlərə uyğun gəlib-gəlmədiyinə dair qərarı Polşanın Milli Yaddaş İnstitutu çıxaracaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.