DÜNYA


Portuqaliyada "Uber" taksi xidmətini cəmiyyət üçün təhlükə hesab edirlər

A+ A

Lissabon, 11 sentyabr, AZƏRTAC 

Bir çox ölkələrdə olduğu kimi, Portuqaliyada da "Uber" taksi xidmətinin peyda olması narazılıq doğurub. Portuqaliyanın Avtomobil Nəqliyyatı Təşkilatı "Uber" xidmətinin cəmiyyət üçün risklərinə dair hesabat dərc edib.

Hesabatda deyilir ki, ənənəvi taksilərdən fərqli olaraq, "Uber"lə hərəkət edən sərnişinlər özlərini riskə məruz qoyurlar. Onlar sürücünün həqiqətən də müvafiq tələblərə cavab verdiyinə, avtomobilin texniki cəhətdən qüsurlu olmadığına əmin deyillər. Yolda baş verə biləcək hadisələrdən sığortalanmayıblar.

Təşkilat "Uber" xidmətində çalışan insanların da hüquqlarının pozulduğunu deyir. Hesabatda bildirilir ki, bu sürücülərin ödənilən əmək məzuniyyəti, istirahət günü yoxdur. "Uber" Platforması qiymətləri özü diktə edir və əmək qanunvericiliyinin tələblərini yerinə yetirmir.

Aygün Əliyeva

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.