DÜNYA


Portuqaliyada imkanlı insanlar üçün əmlak vergisi artırılıb

A+ A

Bakı, 30 sentyabr, AZƏRTAC

Portuqaliya hökumətinin vergi qanunvericiliyində apardığı son dəyişikliyə əsasən, ölkənin mənzərəli və əlverişli ərazilərində evi olan şəxslər artırılmış əmlak vergisi ödəmək öhdəliyi daşıyırlar.

AZƏRTAC “vergiler.az” saytına istinadla bildirir ki, “Dəbdəbə” hesab edilən əmlak üçün verginin dərəcəsi 20 faiz artırılıb.

Portuqaliya hökuməti bunu belə əsaslandırır ki, pəncərəsindən gözəl mənzərə görünən evlərin bazar dəyəri yüksək olduğuna görə, bu cür evlərin sahibləri də dəbdəbəli həyat sürən imkanlı adamlar hesab edilməlidir.

Beləliklə, Portuqaliyada daşınmaz əmlak vergisinin artırılması “dəbdəbə üçün verginin” tətbiqinin müəyyən bir forması kimi təqdim edilir.

Ölkənin vergi qanunvericiliyində edilmiş dəyişikliklər müəyyən məntiqə əsaslansa da kəskin tənqidlə qarşılanıb. Vergi islahatının əleyhdarları belə bir mülahizə irəli sürürlər ki, daşınmaz əmlakın bu və ya digər kateqoriyaya aid edilməsi üçün müəyyənləşdirilmiş meyarın heç bir konkret əsaslandırılması yoxdur. Bu isə ona gətirib çıxaracaq ki, vergi orqanları ev sahiblərindən artırılmış vergi tutmaq məsələsində subyektiv qərar verəcəklər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.