İQTİSADİYYAT


Prezident İlham Əliyev: Azərbaycanda kənd təsərrüfatının inkişafı üçün nadir şərait yaradılıb

Bakı, 4 avqust, AZƏRTAC

Azərbaycanda kənd təsərrüfatının inkişafına xüsusi diqqət göstərilir, deyə bilərəm ki, nadir bir şərait yaradılıb, vergilərdən azadolunma praktikası məncə, ancaq Azərbaycanda tətbiq edilir. Digər güzəştlər, subsidiyalar, kreditlər və sair.

AZƏRTAC xəbər verir ki, bu fikirləri Prezident İlham Əliyev Qaxda barama, tütün və fındıq istehsalının inkişafı məsələlərinə dair respublika müşavirəsində söyləyib.

Dövlətimizin başçısı qeyd edib ki, buna baxmayaraq, dövlət strateji kənd təsərrüfatı sahələrinin inkişafı üçün öz dəstəyini göstərməlidir və göstərəcək.

Azərbaycan Prezidenti bu gün ərzaq təhlükəsizliyi məsələlərinin ön plana çıxdığını, ona görə də vaxtilə tütünçülükdə, baramaçılıqda əldə edilmiş nailiyyətlərin indi böyük rəqəmlərlə ölçüldüyünü vurğulayıb.

Prezident İlham Əliyev bildirib ki, Azərbaycan dövləti müntəzəm olaraq kənd təsərrüfatına çox böyük vəsait ayırır, investisiyalar qoyur. Bu gün reallaşan və növbəti illərdə həyata keçiriləcək infrastruktur layihələri də o cümlədən kənd təsərrüfatının inkişafına xidmət göstərir. Biz yol çəkilişi ilə çox ciddi məşğuluq. Bu il şərti olaraq adlandırılan “40 yol layihəsi”, - əslində bu, 200-dən çox kəndi əhatə edir, - o cümlədən kənd təsərrüfatının inkişafına xidmət göstərir. Bu, nəinki insanlara rahatlıq gətirir, eyni zamanda, fermerlərin, kəndlilərin öz məhsullarını bazarlara çıxarmaları üçün şərait yaradır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.