SİYASƏT


Prezident Raymonds Veyonis: Latviya Azərbaycanın ərazi bütövlüyünü dəstəkləyir

Bakı, 17 iyul, AZƏRTAC

Latviya Azərbaycanı, onun suverenliyini və ərazi bütövlüyünü dəstəkləyir. Dağlıq Qarabağ münaqişəsi yalnız sülh və danışıqlar yolu ilə həll oluna bilər və bu, beynəlxalq hüququn norma və prinsiplərinə əsaslanmalıdır.

AZƏRTAC xəbər verir ki, bu fikirləri Latviya Prezidenti Raymonds Veyonis söyləyib.

Azərbaycan Prezidenti İlham Əliyevin Latviyaya rəsmi səfərindən çox məmnun olduğunu vurğulayan Prezident Raymonds Veyonis əmin olduğunu bildirib ki, bu səfər ölkələrimiz arasında əlaqələri daha da genişləndirəcək və bizim dostluğumuz, tərəfdaşlığımız daha da inkişaf edəcək.

Latviya Prezidenti Azərbaycanın “Cənub Qaz Dəhlizi” layihəsinin həyata keçirilməsində, təbii qazın Avropa İttifaqındakı istehlakçılara çatdırılmasında göstərdiyi səyləri, apardığı işi yüksək dəyərləndirdiyini deyib. “Zənnimcə, biz daha sıx işləməliyik ki, bu istiqamətdə daha böyük irəliləyiş əldə edə bilək”, - deyə Prezident Raymonds Veyonis vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.