ELM VƏ TEXNOLOGİYA


Protez hazırlanmasında titanı əvəz edəcək yeni ərinti yaradılıb

A+ A

Bakı, 29 iyun, AZƏRTAC 

ABŞ-ın Rays Universitetinin tədqiqatçılar qrupu protezlərin yaradılması sahəsində geniş tətbiq edilə biləcək möhkəmliyi ilə seçilən yeni ərinti icad edib.

AZƏRTAC “ictnews” saytına istinadla xəbər verir ki, yeni material yüksək temperaturda (Ti3Au) qızıl və titanın 3:1 nisbətində yaradılan ərintidir. Ərinti möhkəmliyinə görə adi titanı dörd dəfə üstələyir. Alimlər onu almaz örtüklü həvəngdəstə və dişicik vasitəsilə xırdalaya bilməyiblər. Bundan başqa, ərinti canlı hüceyrələr üçün zərərsizdir.

Alimlərin sözlərinə görə, yeni materialın bütün potensialı hələ tam müəyyənləşdirilməyib, lakin onun müxtəlif protezlərin yaradılması sahəsində titanı əvəzləməsi üçün cəlbedici olması şübhə doğurmur. Belə ki, müasir titandan hazırlanmış diz və bud-çanaq oynaq protezləri köhnəlir və on ildə bir dəfə dəyişməni tələb edir. Qızıl və titan ərintisindən istifadə protezlərin əvəz edilməsindən tam imtinaya imkan verməsə də, onların istismar müddətini xeyli artıra bilər.

Tədqiqatçılar qeyd edirlər ki, onların ərsəyə gətirdiyi materialın istehsalı nisbətən sadədir və prinsipcə yeni deyil. Lakin əvvəllər heç kim onun özəl xüsusiyyətlərinə diqqət yetirməyib.

Professor Emiliya Morosan bildirib ki, ərintinin tətbiq edilə biləcəyi daha bir sahə qazma sənayesidir. Həmçinin material müxtəlif idman mallarının istehsalında potensial tətbiq imkanlarına malikdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.