DÜNYA


Pxenyan yapon liderinin bəyanatını kəskin tənqid edib

Tokio, 30 may, AZƏRTAC

Mayın 30-da Şimali Koreya Yaponiya liderinin “Böyük yeddiliy”in sammitində Pxenyana təzyiqi gücləndirmək barədə çıxışı ilə bağlı bəyanat yayıb.

Şimali Koreyanın dövlət kütləvi-informasiya vasitələrində dərc edilən bəyanatda Pxenyanın özünü müdafiə məqsədilə atdığı addımları Yaponiyanın təxribat və təhlükə adlandırmasını cəfəngiyat hesab etdiyi vurğulanır.

Sənəddə qeyd edilir ki, bu günədək Pxenyan ABŞ-ın Yaponiyadakı hərbi bazalarını hədəfə götürmüşdüsə, bundan sonra onun hərəkətlərində fərqlər müşahidə oluna bilər. Bəyanatda Yaponiyadakı ABŞ hərbi bazaları ilə yanaşı, digər rayonların da hədəfə alınacağına açıq işarə vurulur.

Analitiklərin bildirdiyinə görə, Şimali Koreya bu ölkəyə təzyiq göstərilməsi məqsədilə Yaponiya-ABŞ ittifaqının möhkəmlənməsi fonunda yapon hökumətinə xəbərdarlıq edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.