İDMAN
QADINLARIN VOLEYBOL ÜZRƏ ÖLKƏ ÇEMPİONATININ II DÖVRƏSİNİN III TURUNUN OYUNLARI BAŞA ÇATMIŞDIR
AZƏRTAC xəbər verir ki, fevralın 7-də Azərbaycan Voleybol Federasiyasının idman zalında qadınlar arasında voleybol üzrə ölkə çempionatının II dövrəsinin III turunun oyunları başa çatmışdır.
Son turun qarşılaşmalarında “Veteran” “Qax”ı, “Azərreyl-2” “Azərreyl-3”ü, “Rabitə” isə “Gənclik Tələbə İdman Cəmiyyəti”ni eyni hesabla-3:0 ilə məğlub etmişdir. “Qusar”-“Yevlax” oyununda isə birincinin yarışların bu mərhələsində iştirak etmədiyinə görə Yevlax komandasına 3:0 hesabı ilə texniki qələbə verilmişdir.
III turdan sonra çempion adı uğrunda mübarizə aparan komandaların yarış cədvəlınə “Azərreyl-2” 6 xalla liderlik edir. “Rabitə” 5 xalla ikincidir. “Gənclik T.İ.C.” 4, “Azərreyl-3” isə 3 xalla sonrakı yerləri tuturlar.
Çempionatın qalibi martda keçirilməsi nəzərdə tutulan IV turdan sonra bilinəcəkdir.