CƏMİYYƏT


QHT-lərə Dövlət Dəstəyi Şurası elektron hesabat proqramını təqdim edib

Bakı, 9 iyun, AZƏRTAC

İyunun 9-da Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən elektron hesabat proqramının təqdimatı olub.

AZƏRTAC xəbər verir ki, Azərbaycan Respublikasının Prezidenti yanında QHT-lərə Dövlət Dəstəyi Şurası Katibliyinin icraçı direktoru Fərasət Qurbanov tədbirdə elektron hesabat proqramı barədə məlumat verib. O bildirib ki, Şuranın bütün xidmətlərinin elektron qaydada həyata keçirilməsi üçün zəruri addımlar atılıb. Bir neçə ildir ki, QHT-lər Şuraya maliyyə hesabatlarını elektron qaydada təqdim edirlər. Bununla yanaşı, QHT-lərdən layihə təkliflərinin qəbulu, ekspertizası da elektron qaydada aparılır. Bu ayın sonunda isə təsviri hesabatın elektron qaydada qəbulu tətbiq olunacaq.

Sonra elektron hesabat proqramı təqdim edilib.

Təqdimatdan sonra Şuranın üzvü, Milli Məclisin deputatı Şahin İsmayılov elektron xidmətlərin həyata keçirilməsi prosesindən danışıb. “Çox güman ki, yaxın gələcəkdə elektron xidmətdən istifadə etməyən digər dövlət qurumları, aidiyyəti təşkilatlar da elektron xidmətə keçəcəklər”, - deyə deputat bildirib.

Tədbir müzakirələrlə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.