MƏDƏNİYYƏT
QRAFİKA SƏNƏTİNƏ HUMANİTAR DƏSTƏK
“Bank of Baku” Birgə Səhmdar–Kommersiya Bankı Azərbaycanın qrafika ustası Kamal Əhmədin fərdi sərgisinin keçirilməsinə dəstək göstərmişdir.
Bankdan AZƏRTAC-a bildirmişlər ki, Azərbaycan mədəniyyət xəzinəsini müxtəlif üslub və qrafika texnikalarında işlənmiş əsərləri ilə zənginləşdirən Kamal Əhməd Abşeron boyakarlıq məktəbinin yaradıcılarından biridir. Qrafikada öz dəst-xətti ilə seçilən sənətkarın yaradıcılığı kifayət qədər təbliğ olunmamış, onun əsərləri geniş ictimaiyyətə lazımi səviyyədə çatdırılmamışdır. Bu baxımdan, Abşeron Rəsm Qalereyasında fevralın 14-dən 28-dək keçirilən sərgi Kamal Əhməd və qrafika sənətsevərləri tərəfindən xüsusi diqqət və məhəbbətlə qarşılanmışdır.