İDMAN


Qadın cüdoçumuz Xanım Hüseynova İslamiadanın gümüş medalına sahib olub

Bakı, 13 may, AZƏRTAC

Mayın 13-də “Bakı-2017” IV İslam Həmrəyliyi Oyunlarının cüdo yarışında Azərbaycan idmançısı Xanım Hüseynova ölkəmizə növbəti medalı qazandırıb.

AZƏRTAC xəbər verir ki, 63 kiloqram çəki dərəcəsində çıxış edən X.Hüseynova həlledici qarşılaşmada Türkiyə idmançısı Busra Katıpoğluna məğlub olaraq gümüş medalla kifayətlənməli olub.

İdmançımız finala gedən yolda Türkmənistan və Tunis idmançılarını mübarizədən kənarlaşdırıb.

Dörd il əvvəl Azərbaycan çempionatında qalib gələn X.Hüseynova 2015-ci ildə birinci Avropa Oyunlarında mübarizəni səkkizdəbir finalda dayandırmışdı. Bu medal onun karyerasında qazandığı ən böyük uğurdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.