DÜNYA


Qahirə Qətərdə işləyən Misir vətəndaşlarını oradan çıxarmağa hazırdır

Qahirə, 5 iyun, AZƏRTAC

Qətərdə təqribən 300 min misirli işləyir və lazım gəlsə, Qahirə onların hamısını bu ölkədən çıxarmağa hazırdır. Bunu Misirin miqrasiya və xarici ölkələrdə yaşayan misirlilərin işləri üzrə naziri Nabilə Məkrəm Əbdül Şahid bəyan edib.

O bildirib ki, rəsmi məlumatlara görə, Qətərdə 70 min Misir vətəndaşı qeydə alınıb, ancaq əslində onların sayı xeyli çoxdur. Nazir deyib: “Hesab edirik ki, Qətərdə təqribən 300 min misirli işləyir. Biz icma nümayəndələri ilə əlaqə saxlayırıq. Hələlik Qətərin hakimiyyət orqanlarından iş müqavilələrinin pozulması barədə heç bir bildiriş yoxdur. Amma lazım gəlsə, biz misirlilərin oradan çıxarılması və vətəndə işlə təmin olunması üçün mümkün olan hər şeyi etməyə hazırıq”.

 

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.