İQTİSADİYYAT


Qalaaltı kurort mərkəzi Avropa Tarixi Termal Şəhərlər Assosiasiyasının rəsmi kataloqunda

A+ A

Bakı, 6 oktyabr, AZƏRTAC

Mədəniyyət və Turizm Nazirliyi ilə Avropa Tarixi Termal Şəhərlər Assosiasiyası (EHTTA) arasında sıx əməkdaşlıq çərçivəsində bu təşkilatın rəsmi kataloq və broşürlərinə Qalaaltı kurort mərkəzi daxil edilib və xəritədə assosiasiyaya üzv olan ölkələrin sırasına Azərbaycanın da xəritəsi salınıb. Kataloqun elektron versiyası ilə bu link vasitəsilə tanış ola bilərsiniz: http://www.ehtta.eu/images/stories/EHTTA_Brochure_2016.pdf

Nazirlikdən AZƏRTAC-a bildirilib ki, EHTTA-nın “Termal Şəhərlər” beynəlxalq mədəni marşrutunun 2018-ci il üçün nəzərdə tutulmuş baş konfransının Qalaaltıda keçirilməsi planlaşdırılır.

Qeyd edək ki, Mədəniyyət və Turizm Nazirliyi tərəfindən Avropa Tarixi Termal Şəhərlər Assosiasiyasının “Termal Şəhərlər” beynəlxalq mədəni marşrutuna qoşulması ilə bağlı həyata keçirilən layihə çərçivəsində cari ilin yanvarın 21-də EHTTA-nın Baş Assambleyasında keçirilən görüşdə “Qalaaltı” sanatoriyasının “Termal Şəhərlər” beynəlxalq mədəni marşrutuna üzv seçildiyi barədə qərar qəbul edilib. Hazırda bu təşkilata 13 ölkədən 36 şəhər daxildir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.