CƏMİYYƏT


Qanda xolesterinin səviyyəsinin azaldılması intellektə mənfi təsir göstərir

Bakı, 4 iyul, AZƏRTAC

Sağlam qida həvəskarları adətən tərkibində xolesterin olan ərzaq məhsullarından imtina edirlər. Şübhəsiz, bu, onların ürək-damar sisteminə müsbət təsir göstərir. Lakin bununla yanaşı, qanda xolesterinin aşağı olması insanların intellektual qabiliyyətini pisləşdirir.

AZƏRTAC Rusiya mətbuatına istinadla xəbər verir ki, müvafiq tədqiqat aparan amerikalı alimlər belə qənaətə gəliblər.

Boston Universitetinin əməkdaşlarının fikrincə, qanda xolesterinin səviyyəsinin azalması baş-beynin aktivliyini, xüsusilə yaddaşı pozur. Bunu sübut etmək üçün onlar 789 kişi və 1105 qadını tədqiqata cəlb ediblər. İştirakçıların qanında xolesterinin səviyyəsi ölçüldükdən sonra onlara müxtəlif tapşırıqlar verilib. Məlum olub ki, xolesterini yüksək olan insanlar məntiqi tapşırıqların öhdəsindən daha asanlıqla gəlirlər.

Bununla belə, həkimlər bir qayda olaraq pasientlərinə yüksək xolesterini aşağı salmağı tövsiyə edirlər. Çünki qanda normadan çox xolesterinin miokard infarktına gətirib çıxarması artıq sübut olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.