MƏDƏNİYYƏT


Qara Namazovun şəxsi sənədləri Dövlət Ədəbiyyat və İncəsənət Arxivinə qəbul olunub

A+ A

Bakı, 10 iyul, AZƏRTAC

Tənqidçi-ədəbiyyatşünas alim, professor Qara Namazovun şəxsi sənədləri S.Mümtaz adına Dövlət Ədəbiyyat və İncəsənət Arxivinə qəbul olunub.

Milli Arxiv İdarəsindən AZƏRTAC-a bildirilib ki, sənədlərin sırasında Q.Namazovun əlyazmaları, təsviri sənədlər, məktublar, onun haqqında yazılmış, özünün topladığı sənədlər və s. vardır. Arxivə qəbul edilən sənədlərin Milli Arxiv Fonduna daxil edilməsi üçün müvafiq qaydada rəsmiləşdirmə işləri aparılmaqdadır.

Qeyd edək ki, Türkiyə, Türkmənistan, İsveç və digər ölkələrdə keçirilmiş beynəlxalq seminar, simpozium və konfranslarda iştirakçısı olan alim Azərbaycanda təhsilin və elmin inkişafındakı xidmətlərinə görə “Şöhrət” ordeni ilə təltif edilib. Şifahi xalq və aşıq yaradıcılığı, müasir və klassik Azərbaycan ədəbiyyatı onun tədqiqat sahəsidir. O, 10 monoqrafiyanın, 30 kitabın və 300 elmi-kütləvi əsərin müəllifidir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.