İDMAN


“Qarabağ” – “Viktoriya” oyununu türkiyəli hakimlər briqadası idarə edəcək

A+ A

Bakı, 29 iyul, AZƏRTAC

UEFA Çempionlar Liqasının üçüncü təsnifat mərhələsinin cavab oyunları çərçivəsində keçiriləcək “Qarabağ” – “Viktoriya” matçının hakimləri açıqlanıb.

AZƏRTAC xəbər verir ki, Azərbaycan və Çexiya çempionlarının avqustun 2-də oynanılacaq qarşılaşmasının idarə edilməsi türkiyəli hakimlərə tapşırılıb.

Bakıda keçiriləcək görüşü baş hakim Hüseyn Göçek idarə edəcək. Ona həmyerliləri Mustafa Əmrə Eyisoy, Kemal Yilmaz kömək edəcəklər. Dördüncü hakim funksiyasını isə Bariş Şimşek yerinə yetirəcək.

Oyunun hakim-inspektoru İqor Satkii (Moldova), UEFA nümayəndəsi isə Andreas Akkelides (Kipr) olacaq.

Tofiq Bəhramov adına Respublika stadionunda oynanılacaq görüş saat 20:30-da başlayacaq.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.