Ağdam, 26 sentyabr, Tahir Ağaməmmədov, AZƏRTAC 

Azərbaycan Konstitusiyasına təklif olunan dəyişikliklərlə bağlı keçirilən ümumxalq səsverməsi Qarabağ bölgəsində seçicilərin fəallığı ilə başlayıb. Dairə seçki komissiyalarından AZƏRTAC-a verilən məlumata görə, səsvermə hüququ olan sakinlər səhər saat 8-dən seçki məntəqələrinə gələrək azad, sərbəst şəkildə səs verir, ölkəmiz üçün mühüm əhəmiyyət daşıyan bu siyasi kampaniyada fəal iştirak edirlər.

Ağdam rayonunda referendum 118 və 119 saylı dairələrdə keçirilir.

118 saylı Ağdam şəhər seçki dairəsi dairə seçki komissiyasının 46 məntəqəsi 39 min 737 seçicini əhatə edir. Məcburi köçkün ağdamlılar Bakı şəhərində, Abşeron və Bərdə rayonlarında təşkil edilmiş məntəqələrdə səs verirlər. Məntəqələrdə seçicilər və müşahidəçilər üçün hər cür şərait yaradılıb. Səsvermənin gedişini internet vasitəsilə izləmək üçün 1 və 28 saylı məntəqələrdə veb-kamera quraşdırılıb.

119 saylı Ağdam kənd seçki dairəsinin tərkibinə daxil olan 42 seçki məntəqəsi üzrə isə 41 min 942 seçici qeydə alınıb. Dairə üzrə 611 nəfər gənc ilk dəfə səsvermə hüququ əldə edib. Seçicilərin 1020 nəfəri 80-100 yaş arasında, 5 seçicinin yaşı isə 100-dən yuxarıdır. Dairə üzrə 21 və 35 saylı məntəqələrdə veb-kamera quraşdırılıb. Səsvermənin gedişini 436 nəfər müşahidəçi izləyir.

X X X

48 saylı Yevlax seçki dairəsinin 31 seçki məntəqəsi üzrə 34 min 105 seçici qeydə alınıb. Onlardan 268 nəfəri ilk dəfə olaraq səsvermə hüququndan istifadə edəcək gənclərdir. 11 seçicinin yaşı isə 100-dən yuxarıdır. 27 saylı seçki məntəqəsində qeydə alınmış 120 yaşlı Zərnişan İsmayılova rayonun ən yaşlı seçicisidir. Səsvermənin gedişini 326 nəfər müşahidəçi izləyir. Məntəqələrin 15–də veb-kamera quraşdırılıb.

X X X

49 saylı Yevlax-Mingəçevir seçki dairəsi dairə seçki komissiyasından verilən məlumata görə, ümumxalq səsverməsi 38 seçki məntəqəsində keçirilir. Seçki məntəqələrinin 26-sı Yevlax rayonunun ərazisində, 12-si isə Mingəçevirdə yerləşir. Qeydə alınmış 36 min 750 seçicidən 187 nəfəri ilk dəfə səs vermək hüququ əldə edib. Seçicilərin 600 nəfərin yaşı 80-100 arasında, 1 seçicinin yaşı isə 100-dən yuxarıdır. Referendumun gedişini izləmək üçün 390 nəfər müşahidəçi qeydiyyatdan keçib. 4, 7, 15, 18, 21, 34, 35 saylı məntəqələrdə səsvermə prosesinin gedişini internet vasitəsilə izləmək mümkündür.

X X X

Ümumxalq səsverməsi 81 sayı Beyləqan seçki dairəsinin əhatə etdiyi seçki məntəqələrində də seçicilərin yüksək fəallığı ilə başlayıb. Dairə üzrə 39 seçki məntəqəsində 35 min 515 seçicinin səs verməsi nəzərdə tutulur. Məntəqələrin 5-də veb-kamera quraşdırılıb. Səsvermənin gedişini 456 müşahidəçi izləyir. 

X X X

82 saylı Ağcabədi seçki dairəsinin 46 seçki məntəqəsində səsvermənin şəffaf və demokratik keçirilməsi üçün hər cür şərait yaradılıb. Prosesi izləmək üçün 2, 3, 7, 8, 11, 13, 22 saylı məntəqələrdə veb-kamera quraşdırılıb. Dairə üzrə seçicilərin ümumi sayı 45 min 601 nəfərdir. Prosesi 470 müşahidəçi izləyir.

X X X

83 saylı Ağcabədi-Füzuli seçki dairəsi dairə seçki komissiyasının sədri Mübahir Nəsirov bildirib ki, dairənin əhatə etdiyi 42 məntəqədə 38619 seçici səs verməlidir. Məntəqələrdə seçicilər və müşahidəçilər üçün hər cür şərait yaradılıb. Səsvermə prosesini 415 müşahidəçi izləyir. 1, 2, 21, 23 saylı məntəqələrdə veb-kamera quraşdırılıb. Səsvermə seçicilərin fəallığı şəraitində keçir.

X X X

84 saylı Füzuli seçki dairəsi üzrə 71 seçki məntəqəsi fəaliyyət göstərir. Seçki məntəqələrinin 46-sı rayonun işğaldan azad edilmiş ərazisində, 25-i isə respublikanın digər şəhər və rayonlarında yerləşir. Seçicilərin ümumi sayı 45 min 301 nəfərdir. Onlardan 404 nəfəri bu il ilk dəfə səsvermə hüququ əldə edib. 7 məntəqədə referendumun gedişini veb-kamera vasitəsilə online izləmək mümkündür. Səsvermə prosesini müxtəlif siyasi partiyaları və qeyri-hökumət təşkilatlarını təmsil edən 505 müşahidəçi izləyir. 

X X X

93 saylı Bərdə şəhər seçki dairəsi dairə seçki komissiyasının sədri Şakir Əliyevin verdiyi məlumata görə, 50 seçki məntəqəsi üzrə 43216 seçici qeydə alınıb. Seçicilərin 415 nəfəri səsvermədə ilk dəfə iştirak edir. 11 seçki məntəqəsində veb-kamera quraşdırılıb. Ümumxalq səsverməsini izləmək üçün 535 müşahidəçi qeydiyyatdan keçib.

X X X

94 saylı Bərdə kənd seçki dairəsində ümumxalq səsverməsi seçicilərin yüksək fəallığı ilə başlayıb. Dairə üzrə səsvermə 54 seçki məntəqəsində təşkil edilib. 6, 11, 22, 27, 45 saylı seçki məntəqələrində veb-kameralar quraşdırılıb. Qeydə alınmış 45221 seçicinin 345 nəfəri bu il ilk dəfə səs vermək hüququ qazanıb. 1141 seçicinin yaşı 80-100 arası, 12 seçicinin yaşı isə 100-dən yuxarıdır. 30 saylı məntəqədə qeydə alınmış 122 yaşlı Səmərqa Allahverdiyeva nəinki rayonun, ölkənin ən yaşlı seçicisidir. 

X X X

Ümumxalq səsverməsi 95 saylı Tərtər seçki dairəsinin 38 məntəqəsində keçirilir. Məntəqələrdə referendumun azad, demokratik və şəffaf keçirilməsi üçün hər cür şərait yaradılıb, 8 məntəqədə veb-kamera quraşdırılıb. Səsvermə prosesini 383 müşahidəçi izləyir. Dairə üzrə seçicilərin ümumi sayı 37880 nəfərdir. 528 nəfər gənc ilk dəfə olaraq bu il səs vermək hüququndan istifadə etmək imkanı qazanıb. 23 seçicinin isə yaşı 100-dən yuxarıdır. 

X X X

Laçın rayonunun ərazisi Ermənistan silahlı qüvvələrinin işğalı altında olduğu üçün 121 saylı Laçın seçki dairəsini əhatə edən 102 seçki məntəqəsi respublikanın 48 şəhər və rayonda, o cümlədən laçınlı məcburi köçkünlərin daha çox məskunlaşdıqları Ağcabədi rayonunun Taxtakörpü ərazisində fəaliyyət göstərir. Dairə seçki komissiyasından verilən məlumata görə, dairə üzrə seçicilərin ümumi sayı 45956 nəfərdir. Laçınlı məcburi köçkünlər səsvermədə fəal iştirak edirlər.