İDMAN


“Qarabağ” komandası AZAL-ın qapısından 6 cavabsız top keçirib

A+ A

Bakı, 9 sentyabr, AZƏRTAC 

Sentyabrın 9-da futbol üzrə Topaz Premyer Liqasının IV turuna start verilib.

AZƏRTAC xəbər verir ki, “Əlincə Arena”da “Qarabağ” komandası AZAL-ı qəbul edib.

Baş hakim Orxan Məmmədovun idarə etdiyi oyunun ilk hissəsində “Qarabağ” rəqib qapısından üç cavabsız top keçirib. Görüşün 2-ci dəqiqəsində Reynaldo, 42-ci dəqiqəsində Maksim Medvedev və 4 dəqiqə sonra isə Migel Madera fərqləniblər.

İkinci hissədə də fəal olan Ağdam təmsilçisi daha üç qolla AZAL-ı məyus edib. Belə ki, matçın 60-cı dəqiqəsində Kintana hesab arasındakı fərqi 4-ə çatdırıb. Dördə dəqiqə sonra Reynaldo dubl edib. Daha bir dublla isə matçın 66-cı dəqiqəsində Maksim Medvedev yadda qalıb.

Beləliklə, görüş “Qarabağ”ın 6:0 hesablı qələbəsi ilə başa çatıb.

Dördüncü tur çərçivəsində sentyabrın 10-da “Neftçi”-“Qəbələ”, bir gün sonra isə “Kəpəz”-“Zirə” və “Sumqayıt”-“İnter” görüşləri keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.