İDMAN


“Qarabağ” komandası “Sumqayıt”la qarşılaşmada iki yubiley rəsmiləşdirib

A+ A

Bakı, 14 dekabr, AZƏRTAC

Futbol üzrə Azərbaycan kubokunun 1/4 final mərhələsinin “Qarabağ”-“Sumqayıt” matçı Ağdam təmsilçisi üçün iki yubileylə yadda qalıb.

AZƏRTAC Peşəkar Futbol Liqasının rəsmi saytına istinadla xəbər verir ki, görüşdə 6:0 hesabı ilə qalib gələn ağdamlılar ölkə kubokunda 50-ci ev qələbəsini qazanıblar.

Komandanın gənc oyunçularından Mahir Mədətovun rəqib qapısından keçirdiyi dördüncü top klubun 150-ci ev qolu olub. “Köhlən atlar”ın evdəki məhsuldarlığı 2,375-ə bərabərdir.

Ağdam klubu Azərbaycan kubokunda 152 dəfə fərqlənib, öz qapısından isə cəmi 30 top buraxıb.

“Qarabağ” ölkə kuboku oyunları çərçivəsində öz meydanında ən çox qol vuran və qələbə qazanan klubdur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.