İQTİSADİYYAT
Qatarların qəbulu və yola salınması müəyyən olunmuş qrafikə əsasən həyata keçirilir VİDEO
Bakı, 8 yanvar, Ceyhun Rüstəmov, AZƏRTAC
“Azərbaycan Dəmir Yolları” QSC havaların kəskinləşməsi ilə əlaqədar gücləndirilmiş iş rejiminə keçib. Bəzi qısamüddətli gecikmələri nəzərə almasaq, qatarların qəbulu və yola salınması müəyyən olunmuş qrafikə əsasən həyata keçirilir.
QSC-nin Mətbuat Katibliyinin rəisi Nadir Əzməmmədov AZƏRTAC-a bildirib ki, dəmir yolunda sərnişinlərin və hərəkət tərkiblərinin təhlükəsizliyinin təmin edilməsi məqsədilə bir sıra tədbirlər reallaşdırılır. İnfrastruktur departamentinin kollektivi tərəfindən dəmir yolunun üst quruluşu elementlərinə - yəni rels bərkidicilərinə, relslər arasındakı məsamələrə, siqnal və enerji təchizatı sistemlərinə gün ərzində bir neçə dəfə baxış keçirilir.
Sərnişin daşımaları departamenti də bir sıra vacib məqamlara diqqəti artırıb. Belə ki, reysə çıxmazdan əvvəl sərnişin vaqonlarının istilik sistemi normal işləməsi diqqətdə saxlanılır.