REGİONLAR


Qax Dövlət Kukla Teatrı yeni mövsümü “Qızıl balıq”la açacaq

Qax, 6 sentyabr, Mustafa Dadaşov, AZƏRTAC

Qax Dövlət Kukla Teatrı sentyabrın 16-da – yeni mövsümün açılış günündə balaca tamaşaçılara A.S.Puşkinin “Qızıl balıq” əsəri əsasında hazırlanan eyniadlı tamaşanı təqdim edəcək.

Bu barədə AZƏRTAC-a teatrın direktoru Nazim Mahmudov məlumat verib. Rejissor Yusif Abdurahmanovun quruluş verdiyi tamaşada əsas rolları Araz Mehrablı (qoca), Afət Yaqubova (qarı), Elnarə Razıyeva (qızıl balıq), Azər Kərimov (təlxək) ifa edirlər. Tamaşanın musiqisi görkəmli Azərbaycan bəstəkarı Fikrət Əmirovun simfoniyaları əsasında tərtib olunub.

Hazırda teatrda “Maşa və ayı” rus xalq nağılı əsasında səhnələşdirilən tamaşa üzərində məşqlər davam edir. Bakıdan dəvət olunmuş rejissor Elşad Rəhimzadənin quruluş verdiyi bu səhnə əsəri sentyabrın sonunda tamaşaçılara təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.