REGİONLAR


Qax rayon Məşğulluq Mərkəzi: ötən il 483 nəfər işaxtaran vətəndaş daimi işlə təmin olunub

Qax, 10 yanvar, Mustafa Dadaşov, AZƏRTAC

Ötən il Qax rayon Məşğulluq Mərkəzinin köməyi ilə 483 nəfər işaxtaran vətəndaş daimi işlə təmin olunub. Bundan əlavə, il ərzində 18 nəfər qənnadçı ixtisası üzrə peşə hazırlığı kursuna, 30 nəfər isə haqqı ödənilən müvəqqəti işlərə cəlb edilib.

Bu barədə AZƏRTAC-a rayon Məşğulluq Mərkəzindən məlumat verilib.

Keçən il mərkəzdə 1843 nəfər işaxtaran kimi qeydiyyata alınıb, onlardan 111 nəfərə işsizlik müavinəti təyin edilib. Ötən ilin iyulunda keçirilən sonuncu əmək yarmarkasında 54 nəfər daimi işlə təmin olunub.

Ümumtəhsil məktəblərinin yuxarı sinif şagirdlərinin peşə seçiminə kömək məqsədi ilə 2016-cı ildə mərkəz tərəfindən müxtəlif maarifləndirici tədbirlər, həmçinin rayonda fəaliyyət göstərən idarə, müəssisə və təşkilat rəhbərlərinin iştirakı ilə “Məşğulluğun təmin olunmasında sosial tərəfdaşların rolu” mövzusunda “dəyirmi masa”lar keçirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.