REGİONLAR


Qaxda tarixçi alim Oleq Kuznetsovun erməni terrorizmindən bəhs edən kitabının təqdimatı olub

A+ A

Qax, 28 oktyabr, Mustafa Dadaşov, AZƏRTAC

Beşinci Bakı Beynəlxalq Humanitar Forumunun iştirakçısı, rusiyalı tarixçi və siyasi analitik, hüquqşünas Oleq Yureviç Kuznetsov respublikamızın bölgələrinə səfəri çərçivəsində oktyabrın 28-də Qax rayonunda olub, ictimaiyyət nümayəndələri ilə görüşüb.

AZƏRTAC xəbər verir ki, səfər çərçivəsində tarixçi alimin müəllifi olduğu “XX əsrdə transmilli erməni terrorizmi. Tarixi-kriminoloji tədqiqat” kitabının təqdimatı keçirilib.

Ziyalıların, ictimaiyyət nümayəndələrinin iştirakı ilə keçirilən tədbiri rayon icra hakimiyyəti başçısının müavini Vəfa Heydərova açaraq, alimin erməni terrorizmindən bəhs edən bu əsərinin Azərbaycan həqiqətlərinin dünya ictimaiyyətinə çatdırılmasında böyük əhəmiyyəti olduğunu vurğulayıb.

Sonra tarixçi alim tədbir iştirakçılarına beynəlxalq terrorizm və erməni terrorizmi haqqında apardığı araşdırmalar barədə məlumat verib. Rusiyalı tarixçi bildirib ki, o, uzun müddət Ermənistan-Azərbaycan, Dağlıq Qarabağ münaqişəsinin başlanma səbəblərini, erməni terrorizminin mahiyyətini və Azərbaycanda dinc əhaliyə qarşı törədilən cinayətləri tədqiq edib, bu barədə həm Rusiyada, həm də Azərbaycanda olan arxiv və məhkəmə materiallarından istifadə edərək hadisələrin real təsvirini yaratmağa nail olub.

Görüşün sonunda Oleq Kuznetsov iştirakçıların çoxsaylı suallarını cavablandırıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.