REGİONLAR


Qazaxda geniş tikinti-abadlıq və quruculuq işləri sürətlə davam edir

A+ A

Qazax, 3 sentyabr, AZƏRTAC

“Azərbaycan Respublikası regionlarının 2014-2018-ci illərdə sosial-iqtisadi inkişafı” Dövlət Proqramına uyğun olaraq Qazax rayonunda tikinti-abadlıq və quruculuq işləri sürətlə davam edir.

Rayon icra hakimiyyətindən AZƏRTAC-a bildiriblər ki, rayonun girişində geniş abadlıq işləri aparılıb, yaşıllıqlar salınıb, yeni işıqlandırma sistemi quraşdırılıb, Azərbaycanın ilk hərbi təyyarəçisi Fərrux ağa Qayıbovun xatirəsinə təyyarə abidəsi ucaldılıb. Yaxın günlərdə abidənin açılışı olacaq.

Bayraq meydanında, Nəriman Nərimanov yaşayış massivində hündürlüyü 15 metr olan qüllənin ətrafında, Qazax şəhərindəki və rayonun Daş Salahlı kəndindəki şəhidlər qəbiristanlıqlarında, Yuxarı Salahlı kəndindəki Şəhidlər xiyabanında əsaslı təmir və geniş abadlıq–quruculuq işləri aparılıb. Rayon mərkəzindəki küçələr təmir olunub və məhəllədaxili yollara asfalt çəkilib. Bir neçə prospekt və küçədə yaşayış evlərinin dam örtükləri dəyişdirilib, hasarlar yenilənib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.