MƏDƏNİYYƏT


Qazaxıstanda Rauf Hacıyevin “Qafqaz əsiri” operettasının premyerası keçirilib

Astana, 26 iyun, АZƏRTAC

Qazaxıstanın Karaqanda şəhərində Azərbaycanın görkəmli bəstəkarı Rauf Hacıyevin anadan olmasının 95 illiyi münasibətilə “Qafqaz əsiri” operettasının premyerası keçirilib.

Operettasının premyerası TÜRKSOY-un təşəbbüsü və Karaqanda Vilayəti Hakimiyyətinin dəstəyi ilə reallaşıb.

1960-cı illərin sonundan başlayaraq Rusiyanın müxtəlif teatlarında səhnələşdirilən bu əsər Karaqanda şəhərində ilk dəfə nümayiş etdirilib.

Karaqanda şəhər Akademik Musiqili Komediya Teatrında təqdim edilən tamaşanın rejissoru Azərbaycanın Əməkdar Artisti Əli Usubovdur. Əli Usubov əsəri ilk dəfə 1969-cu ildə Leninqrad Konservatoriyasından məzun olarkən Moskva Operetta Teatrında səhnələşdirib.

Premyera tamaşaçılar tərəfindən böyük alqışlarla qarşılanıb.

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.