REGİONLAR


Qazaxlı fermerlər günəbaxan sahələrindən bol məhsul götürürlər

A+ A

Qazax, 29 avqust, Famil Quliyev, AZƏRTAC

Ötən il Qazaxda 38 hektar sahədə günəbaxan əkilmişdisə, bu il fermerlər göstəricini 46,5 hektara çatdırıblar. Günəbaxan əkib-becərmək kənd təsərrüfatının bitkiçilik sahəsində xüsusi rol oynayır. Ondan həm yağ istehsalında həm də yemçilikdə geniş istifadə edilməkdədir. Hazırda rayonun bir çox ərazisində günəbaxanın yığımına başlanılıb.

Sahələrdən fermerlər bol məhsul götürdüklərini deyirlər. Fermer Kənan Musayev AZƏRTAC-a bildirib ki, ilin dörd fəslində yaxşı qiymətə satılan günəbaxanın toxumu elə yerli sortlardan götürülür və yazın ortalarında səpin həyata keçirilir. O, sahələrdəki məhsuldarlıqdan da razıdır və yığımı mümkün qədər tez başa çatdırmaq əzmindədir.

Qeyd edək ki, günəbaxan əsasən rayonun Çaylı, Aşağı və Yuxarı Salahlı, eləcə də digər kəndlərində əkilib. Növbəti ildə bitkinin daha geniş ərazidə becərilməsi gözlənilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.