DÜNYA


Qaziantepdə terror aktı nəticəsində ölənlərin 22-si uşaqlardır

A+ A

Bakı, 22 avqust, AZƏRTAC

Türkiyədə toy mərasimində törədilən partlayış nəticəsində həlak olan 53 nəfərin azı 22-si yaşı 14-dən az olan uşaqlardır.

AZƏRTAC Anadolu informasiya agentliyinə istinadla xəbər verir ki, Türkiyə Prezidenti Rəcəb Tayyib Ərdoğan terror aktında 12-14 yaş arasında olan “canlı bombadan” istifadə olunduğunu bildirib.

Xatırladaq ki, partlayış avqustun 20-də Türkiyənin cənubunda yerləşən Qaziantep şəhərində açıq havada keçirilən toy mərasimi zamanı törədilib. Ən son məlumata görə, hadisə nəticəsində ölənlərin sayı 53 nəfərə çatıb. Hazırda müalicəsi davam edən 69 yaralıdan 17-nin vəziyyəti ağırdır.

Hadisənin məsuliyyətini hələlik heç bir qruplaşma üzərinə götürməsə də, terror aktının İŞİD tərəfindən törədildiyi təxmin edilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.