İDMAN


“Qəbələ” komandası “AZAL” ilə səfər matçında xal itirib

Bakı, 19 mart, AZƏRTAC

Martın 19-da Topaz Premyer Liqasının XXIII turunda “Qəbələ” komandası səfərdə çempionatın autsayderi olan “AZAL” ilə qarşılaşıb. Oyun 1:1 hesabı ilə başa çatıb.

AZƏRTAC xəbər verir ki, görüşün ilk hissəsində hesab açılmayıb və komandalar fasiləyə qolsuz heç-heçə ilə yollanıblar.

Fasilədən sonra qonaqlar hesabı açıblar. Matçın 52-ci dəqiqəsində Tellur Mütəllimov “Qəbələ”ni hesabda irəli çıxarıb – 1:0. Lakin Roman Qriqorçukun yetirmələri bu hesabı oyunun sonunadək qoruya bilməyiblər. Matçın 90-cı dəqiqəsində AZAL-ın futbolçusu Nuqzar Kvirtiya “Qəbələ”nin qapısına yol taparaq, komandasını məğlubiyyətdən xilas edib. Beləliklə, “AZAL”-“Qəbələ” görüşü 1:1 hesabı ilə nəticələnib.

Bu oyundan sonra “Qəbələ” 47 xalla ikinci sıradadır. Tərlan Əhmədovun yetirmələri isə 10 xalla turnir cədvəlinin sonuncu pilləsindədirlər.

Topaz Premyer Liqasının XXIII turuna “Zirə”-“Qarabağ” qarşılaşması ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.