REGİONLAR


Qəbələdə israilli Gil Şohatın dirijorluğu ilə “Kiyev virtuozları” Kamera Orkestrinin növbəti konserti olub

A+ A

Qəbələ, 4 avqust, Şahnəzər Bəşirov, AZƏRTAC

Heydər Əliyev Fondunun təşkil etdiyi VIII Qəbələ Beynəlxalq Musiqi Festivalı çərçivəsində yerli və xarici tamaşaçılar dünya şöhrətli musiqiçilərin və bədii kollektivlərin konsertlərini izləməkdə davam edirlər.

AZƏRTAC xəbər verir ki, avqustun 4-də Qəbələ şəhərindəki Heydər Əliyev Konqres Mərkəzinin qarşısındakı açıq səhnədə təşkil edilən Ukraynanın “Kiyev virtuozları” Kamera Orkestrinin növbəti konserti böyük marağa səbəb olub.

Bir çox beynəlxalq müsabiqələrin qalibi, hər il xarici ölkələrdə 40-dan çox konsert verən israilli Gil Şohatın dirijorluğu ilə keçən konsertdə Nitai Yerusəlim Musiqi Mərkəzinin və Gənc İsrail Filarmonik Orkestrinin baş müəllimi Nitai Zori (violin), Bakı Musiqi Akademiyasının beynəlxalq əlaqələr və tərbiyə işləri üzrə prorektoru, professor Yeganə Axundova (piano) və beynəlxalq müsabiqələr laureatı Səidə Tağızadə (piano), Azərbaycan Respublikasının Əməkdar Artisti Aleksey Miltıx (violonçel) iştirak ediblər.

L.V.Bethoven, M.de Falya və F.Mendelsonun musiqi əsərlərinin səsləndirildiyi konsert tamaşaçılara xoş anlar bəxş edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.