REGİONLAR


Qəbələdə keçirilən əmək yarmarkasında 102 nəfər işlə təmin olunub

A+ A

Qəbələ, 21 sentyabr, Şahnəzər Bəşirov, AZƏRTAC

Qəbələ rayon Məşğulluq Mərkəzinin təşkilatçılığı ilə sentyabrın 21-də növbəti əmək yarmarkası keçirilib.

AZƏRTAC xəbər verir ki, Qəbələ rayon Mədəniyyət Mərkəzində keçirilən yarmarkanın açılış mərasimində Dövlət Məşğulluq Xidmətinin nümayəndəsi Anar Rzayev, rayon icra hakimiyyəti başçısının müavini Arif Allahverdiyev çıxış edərək ölkəmizin sosial-iqtisadi inkişafı istiqamətində görülən işlərdən, əhalinin məşğulluğunun təmin edilməsi, yoxsulluğun aradan qaldırılması, yeni iş yerlərinin yaradılması məqsədilə həyata keçirilən tədbirlərdən danışıb. Tədbirdə məlumat verilib ki, əmək yarmarkasında iştirak edən vətəndaşlara 33 idarə, müəssisə və təşkilat tərəfindən 283 boş iş yeri təqdim olunub.

Yarmarkada iştirak edən 452 nəfər iş axtaran və işsiz vətəndaşdan 102-si öz istəyinə və ixtisasına uyğun işə göndəriş alıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.